Ислам

«Кызым дингә керде. Яулык бәйләргә җыена. Әле бит ул яшь, төренеп, кеше көлдереп йөрергә. Әнә яшьтәшләре ничек матур киенә, күңел ача...» Автобуста арткы урындыкта баручы әни кешенең икенчесенә зарланганын ишетеп, ирексездән көлемсерәп куйдым. Үземнең дә нәкъ шушы сүзләр аша намазга басуымны, яулык бәйләп, дини йолалар буенча яши башлавымны янә искә төшердем.

Ислам илләренә карата тискәре мөнәсәбәттән аларның икътисади яктан үсеше генә коткарачак. «KAZANSUMMIT 2012» халыкара саммиты вәкилләре әнә шундый фикердә.

2013 елның 22 сентябрендә Россиянең Үзәк Диния назәрате булдырылуга 225 ел тула. Шул уңайдан республикада чаралар да үткәрелә башлады. Аларның берсе Татарстан Фәннәр Академиясендә дин әһелләре, татар зыялылары катнашында узды.

Халкыбыз телендә «Исәннәрнең кадерен, үлгәннәрнең каберен бел!» – дигән гыйбарә яши. Шуңа күрә дә туган-тумачаңның каберлекләрен белеп, барлап, карап тору өчен бездә мәетләрне бер-берсенә якын урыннарда җирләү гадәтләнгән: карты алданрак китеп барса – карчыгы, карчыгы беренче дөнья куя калса, карты фанилыкта бирелә торган соңгы колач җирне янәшәдән алып калырга тырыша. Гадәттә, күпчелегебезнең ата-аналары, әби-бабалары авыллардан булганга күрә, авыл җирлекләрендәге тереләр өчен төзелгән йортлар акрынлап кимүгә таба барса да, ахирәт йортларында «төзелеш» кайный, зират мәйданнары зурая, киңәя тора... Кеше гомер азагында үзенең яки ата-анасының кендек каны тамган җиргә кайтып сыенырга омтыла.