Коръән Кәримнең «Талак» сүрәсенең 3 аятендә әйтелә ки: «Кешене Аллаһ уйламаган җирдән ризыкландырыр. Бер кеше үзен, вә барча эшен Аллаһуга тапшырса, аның хаҗәтләрен үтәргә Аллаһ җитәдер. Тәхкыйк, Аллаһ Үзенең эшләрен җирәнә җиткерүче, әлбәттә, Аллаһ һәрнәрсәгә чик-үлчәү куйды».

Яшик әле шушы матур җирдә —
Аллаһ кемгә купме теләгән.
Матур итеп үтик гомер юлын,
Без бит җиргә мәңге килмәгән.

4 гыйнварда Круглое Поле тимер юлчылар бистәсе (Чаллы шәһәре белән янәшә) мәхәлләсе әгъзалары үз имамнары Газизулла хәзрәт Исрафиловның 76 еллыгын билгеләп үттеләр. «76 яшь инде ул юбилей елы түгел, ни сәбәпле бу датага тукталдыгыз?» — дигән сорауга Газизулла хәзрәт болай дип җавап бирде: «4 гыйнварда миңа 76 яшь тулды. Имам-хатыйб булып эшләп йөрүемә 20 ел була. Бистә аксакаллары шурасына да шулай ук. Шул нисбәттән халыкны җыеп Коръән укытасым, бераз вәгәзьлисем, үз тормышым белән таныштырасым килде.

Бер шәкерт озак еллар гыйлем ала, күп остазларда була. Һәрвакыт дога кылып Аллаһыдан туры юлга күндерүне үтенә. Бер гыйбадәт вакытында аны ниндидер тавыш урамга чакырган кебек тоела. Ул гыйбадәтен тәмамлап урамга чыга. Әмма анда бетен тәнен җәрәхәт каплаган, сәләмә киемле бер карттан башка беркемне дә күрми. Ул аңа сәлам бирә: