Казанның “Госмания” мөселман мәктәбендә укулар башланды. Яңа уку елы алдыннан укучылар һәм педагогларга үгет-нәсыйхәт бирергә дип, Татарстан мөфтиенең беренче урынбасары, вакфлар рәисе Илдус хәзрәт Фәизов килде.
Мәктәп директоры Илсур хәзрәт Фатыйхов сүзләренә караганда, бу уку елында укучыларның саны 110га җиткән. Елдан-ел мөселман мәктәбенә карата кызыксыну арта бара. Быел хәтта күрше төбәкләрдән килүчеләр дә булган.
Казан, 2 сентябрь, “Татар-информ”





















