“Иман” нәшриятында 2011 елга Мөселман календаре дөнья күрде. Китап рәвешендә нәшер ителә торган календарьда Россиянең иң зурлардан саналган Казан, Екатеринбург, Ижевск, Мәскәү, Пермь, Самара, Ульяновск, Төмән, Уфа, Яр Чаллы, Чиләбе һәм Оренбург шәһәрләре өчен намаз вакытлары бирелгән.
Календарьда даталар милади буенча да, һиҗри буенча да күрсәтелә.
Монда мөселман календарендагы барлык бәйрәм һәм истәлекле көннәр бирелгән. Календарьда шулай ук вәгазьләр, үгет-нәсыйхәтләр, Ислам дине турында мәгълүмат, догалар, хәдисләр китерелә.
